一向以高貴形象示人的陳貝兒（Janis），出席內衣活動時打扮密實，雖然不似同場作示範的Jocelyn和林志玲師妹林可彤般露肉搶鏡，但Janis揚言若為慈善，亦願意一露本錢行內衣騷！

陳貝兒昨日則以特別嘉賓身份出席Triumph ecochic環保原棉內衣，而Triumph更捐出十萬港元予世界自然基金支持環保工作。問到會否嘗試行內衣騷？Janis坦言不會抗拒，願意為慈善一露本錢，但她對自己身材仍有不滿意的地方：「我成日畀人話瘦，精神啲皮膚靚啲，都可以試吓性感少少。近排都好忙，冇咩時間keep個體形，我都想抽多啲時間做運動keep番好啲。」

上圍夠用就得

對於上圍的尺寸問題，Janis自有一套理念，並說：「好多人重點放喺大同細，我認為着眼點係有冇美感，我又唔係行性感，大細都冇問題，而且我可以選擇番合適嘅內衣補救，『夠用』就得。（會否認為周秀娜具壓迫感？）女仔睇女仔唔識睇，但男仔可能認為愈大愈好。」並笑言期待將來找到一個懂得欣賞自己內在美多過外在美的男仔。

Jocelyn愛環保

而Jocelyn和林可彤為品牌作示範，問久未行內衣騷的Jocelyn會否感到尷尬時，她說：「OK啦！今日個騷係為慈善，可以宣揚環保訊息，為下一代着想，我同老公都好支持環保，平日會搭港鐵，洗碗和刷牙時唔會長開水喉，又唔會成日洗衫。」

對於時下不少o靚模都毫不吝嗇地晒身材，一向以身材好見稱的她，o靚模會否成為她的競爭對手？Jocelyn說：「我同周秀娜及A. Lin合作過，周秀娜身材幾好，男仔一定好鍾意。（你老公都鍾意上圍豐滿嘅女人？）哈！我唔知道，我只知佢鍾意環保！」

文：名人組