一枚笑彈發放……

聞說小弟聽日下午5~6時將會在APM有一個新書的分享會，聽起來沒有甚麼，都是一個宣傳自己本新書的活動，不過，竟然畀我發現到一件不知應該怎去反應的事……

聞說我見到有報道小弟的分享會資料啦！咁唔知點解，我個銜頭變咗：台灣愛情名作家陳刀，已經夠爆笑了嗎？

第一，我不是台灣來的，第二，我不是甚麼名作家。唔知點解我會變成一個台灣的名作家做咗過江龍，來香港用國語同香港的朋友分享愛情的感覺，太爆笑了嗎？

當我跟身邊朋友分享如此爆笑的事，朋友異口同聲話：佢哋梗係當咗你係九把刀啦！吓？唉……咁灰？唔係啩？我靚仔啲！哈哈！講笑！雖然大家個名都有個刀字，不過，都唔會搞錯吖嘛？我唔知……

其實我又無咩所謂，錯咗都無辦法，我又做唔到啲咩。你話啦，我可以做到啲咩？最多咪即刻練好國語，聽日扮個台灣人，用唔鹹唔淡的國語同大家分享……不過我最驚的是……唔識我嗰啲人，以為我真係台灣來，不過講得一口流利的廣東話！

妖妖妖妖妖！唔係呀！陳刀係香港人嚟㗎！

時裝設計師