要數近期至潮妝物，一定有BB Cream份，只要薄薄地在臉上塗上一層，就能輕易營造滑溜幼嫩的肌膚。BB Cream集保濕、遮瑕及防曬於一身，不用先塗Base和再塗粉底都可擁有無瑕底妝，為完美妝容做好準備，既省時又方便。

要塑造完美妝容，底妝從來都是非常重要的一環，近期最具人氣的非BB Cream莫屬，它能夠同時做到修護肌膚和化妝效果，是具極高護膚效果的妝物。只要像平時塗Cream般塗在面上，就可以即時均勻膚色，令肌膚水凝剔透，彷彿塗了粉底似的，卻又薄得如沒有塗上化妝品一樣，效果自然。

粉色眼影大熱

曾為Amanda S.、周秀娜、官恩娜和賈曉晨等靚女化妝的專業化妝師Andy，今次就示範以MISSHA的Watery BB Cream打底再化出今年秋季的流行彩妝：「秋天天氣乾爽，要防止肌膚缺水，當然要揀隻水分高嘅BB Cream，提升肌膚水潤度，保濕同時仲可以抗氧化，令面色水凝透亮。唔好以為秋天一定係深色天下，今個秋天就興粉紅色，好似日本cute啲同sweet啲嘅trend。不過興嗰隻粉紅色就係偏向暗啞一啲，妝容焦點仍然喺雙眼，掃上粉紅色眼影後可以喺眼尾位置掃少少黑色眼影，會減低眼腫，而且漸變效果可以加深眼窩輪廓。另外，眼線用Liquid eyeliner效果會更持久。」

先在臉上由內向外塗上BB cream，營造滑溜幼嫩的肌膚。	Watery BB Cream SPF27 PA++ $180	用白色cream狀眼影在眼窩打底，再在眼頭位置掃上淺粉紅色眼影，眼尾位置則掃上深粉紅色眼影，最後在眼尾位置再掃少少黑色眼影營造漸變效果，加強眼部輪廓。
用Liquid eyeliner勾畫上眼線。	Silky Shadow Duo #02 $63	在臉頰兩旁打斜掃上帶點閃亮的粉紅色胭脂，有助修飾面形。
在櫻唇塗上酒紅色唇彩，令雙唇水漾潤澤，同時淡化唇紋。

今期推介

要肌膚水凝剔透，Skin Food的Fresh Aloe Pack是好幫手，它具高效保濕成分，為細胞注滿水分，且啫喱狀的面膜質地清爽，特別適合日曬後肌膚。

晚上是優化肌膚的最佳時機，Estee Lauder的Advanced Night Repair以獨家研創Chronolux Technology基因協調技術，大大提升DNA自我修復能力，令肌膚回復年輕光彩。

而要抵抗UVA和UVB對肌膚的傷害，Jurlique的Purely Age-Defying Day Cream SPF 採用微粒化的二氧化鈦及氧化鋅等超微細天然防護因子，全面反射對肌膚有害的紫外光。

Estee Lauder Advanced Night Repair $690	Skin Food Fresh Aloe Pack $165	Jurlique Purely Age-Defying Day Cream SPF 15 $380

周秀娜方便之選

Andy經常為一眾靚女artist化妝，深明要長時間化妝，透薄的底妝是首選，他推介品牌的Perfect Cover BB Cream，周秀娜（Chrissie）試過後亦感到滿意，Andy說：「質地好薄但就有好高嘅遮瑕度，上鏡都絕無問題，潤得嚟又夠爽，仲有高度護膚功能。我第一次同Chrissie搽喺面時，佢問我呢隻咩嚟，點解之後唔使搽粉底嘅？我話佢知單搽呢隻BB Cream已經有粉底效果，唔使再搽粉底，佢都覺得好方便。」

放大圖片	Perfect Cover BB Cream SPF42 PA+++ $199

採訪：張嘉敏

攝影：劉智源

化妝：Andy Yim