十個阿媽九個鍾意做形象顧問，當正仔女係Model。但淨係買衫扮靚已經有好多嘢要注意，睇款式，睇價錢，仲要睇質地，點樣配襯更加考起人！

身為Fashion Designer的Winnie，夥拍做Graphic Designer的丈夫，在旺角開了一間童裝樓上舖，幫小朋友換新「型」象，仲搵埋囝囝做Model。有專家教路，各位爹哋媽咪以後又少一樣煩惱啦！

今夏潮Look

點樣襯衫先夠型？每個人嘅審美眼光都唔同，不如睇睇時裝設計師Winnie嘅專業示範啦！

斯文Polo Look $200+$370	Trendy水手Look $180+$260	Winnie最欣賞韓國衫的Detail位，如圖中牛仔褲以車線製作字母突出的效果，不怕小朋友敏感。
放大圖片

Winnie's 襯衫Tips

1.現今不少童裝都是大人縮細版，要留意Detail位必須保留一點Colourful、公仔圖案等元素，否則看起來會太老積！

2.替活潑小女孩選購裙子時，要留意長度，不妨選擇一些膝上短裙。太長的話，感覺累贅。若怕小朋友走光，可選擇配一條Leggings。

3.Leggings是用來襯連身裙或半截裙的，盡量不要用來襯長T-shirt；相反，長褲或四角骨褲才是襯長Tee的好拍檔。

新店起底

新開樓上舖「一家親」（Dear Family），由一家三口合力打造，提供一站式童裝選購服務。爹哋（Kenny）負責店子的裝修，媽咪（Winnie）以其專業的潮流觸覺，為小朋友物色靚衫，兼做埋形象指導，幫各位父母慳番唔少腦細胞。至於囝囝（Carlos），則擔任店子的御用模特兒。

店內售賣的，是現時最新最潮的韓國童裝，以棉質為主，通爽又吸汗，仲夏穿着啱晒Timing。Winnie說：「之前流行喺T-shirt上加吊帶，原來一早已經喺韓國童裝出現。爹哋媽咪帶小朋友上嚟買衫，我仲會畀啲意見，提供最潮着法呢！」

一家人擔當不同崗位，各自為「一家親」出一分力，好齊心呢！

Kenny以大自然元素粉飾店子，玻璃門上的花草正好突出主題。

撰文：楊芷穎

攝影：陳富權

查詢電話：3572 0382