梁慧恩（Viann）昨日於黃埔新天地時尚坊舉行的《UNO公開大賽》擔任司儀，她透露現在除擔任幕前工作外，更為父親幫手打理發電機生意，並在中文大學攻讀地球系統科學碩士課程，她說這課程不但幫助父親的生意，又可做多點環保工作，男友都好鼓勵她讀。

問到前男友（即吳佩慈男友Peter）發聲明後，兩人有否聯絡過，Viann說：「我唔可以透露，事情已過去，依家心情好好多，係咪第三者無人會自己公開承認。佢哋兩個都好襯，天生一對，我都希望Peter開心，我唔係黑心嘅人。」至於如何形容跟Peter的關係，她說：「我係基督徒，當佢係主內嘅弟兄，（如果唔以基督徒角度睇？）一個認識嘅人。」

Viann續說這件事令她上了寶貴一課：「總之更聰明都有失手嘅時候，我都以為自己睇人好叻，總之我對得住自己，（Peter對得住你嗎？）咁要佢自己先知。」