【張嘉敏上海直擊】時裝品牌IZZUE日前於上海新天地旗艦店舉行秋冬時裝騷，展示最新系列，型格十足，特前往睇騷的陳柏霖看上了IZZUE × Dr. Martens別注版皮靴，喜歡其設計夠classic，容易襯衫，加上是黑色最啱襯秋冬系列，問他可有儲鞋習慣？柏霖說沒有，因有好多人贊助及送鞋，幾乎不用買，家中大約有五十對鞋左右。

柏霖亦有愛美的時候，工作需要更會貪靚，平時就casual點，女友Mandy Lieu對他的衣着可有要求？他說是互相有要求，要求着衫要襯：「我哋會一齊行街shopping揀衫，又會一齊研究吓潮流興啲咩，同埋我哋都講求環保，例如唔會着皮草。」可會介意女友穿得性感？柏霖說：「為咗工作冇問題，平時就唔好，冇咁嘅需要。」

Mandy	Model示範最新鞋款。	Dr. Martens將於17日起在IZZUE展出十三款新設計鞋款。