諸葛梓岐、江若琳、Square、周立璟女友Marietta昨日齊齊行水着騷，只有Marietta及Square性感演繹，梓岐及江若琳則變成密實姑娘，她們說不會隨便賣性感，更覺周秀娜（Chrissie）的人肉攬枕有教壞細路之嫌。

梓岐、江若琳昨日出席東港城活動並行騷，雖然是水着時裝騷，二人只穿上密實沙灘裝，反而周立璟女友Marietta D.穿比堅尼，Square四子繼書展除衫後，再下一城一起半裸露點。

諸葛梓岐（左二）與江若琳（右三）及Square四子齊行泳衣騷。

江若琳自認身材欠佳，不會着三點式示人。

性感唔係私有化

有33C上圍的梓岐，自覺得身材OK，但不會接泳衣騷：「性感唔一定要少布！」又說最介意她行性感的是母親大人，男友薛嘉麟又如何？她笑言：「佢最好見到我唔着！」她說自己的性感並非要私有化，覺得Chrissie的人肉攬枕冇問題：「但十三歲小朋友都買，最好啲家長教導吓佢哋，鍾意一個女仔唔係唔啱，要教佢唔好去咗錯嘅方面！」

江若琳亦說不會隨便穿泳裝，以免自暴其短，多年來都不會穿比堅尼，朋友送比堅尼給她一件也未着過，故常被指老土：「我嘅身材唔OK，又唔想加嘢入去，泳裝都係留番畀寫真集。」

江若琳（右）與諸葛梓岐展示青春氣息。

Brian輕鬆搭着三點式女模行騷。

江若琳絕不僭建

雖然對身材冇信心，江若琳絕不會隆胸：「我接受唔到，好似依家都幾好，冇問題吖！」對十三歲小朋友買人肉攬枕，原來多年前她曾出過類似產品，但並非性感照：「十三歲小朋友買太細個，希望啲人係喜歡件作品，唔係鍾意個body。」

而Square四子齊赤裸上身行騷，模特兒出身的Brian更曾行內衣騷，認為行商場騷着泳衣內褲都OK，拍戲露晒pat都冇所謂。至於James、Gary和Rex就說若新書賣得好成績，不介意作更性感打扮。

文：名人組