汪圓圓昨日與一身deep V貼身裙打扮的韓君婷同出席apm舉行的世界級甜點廚神活動，韓君婷對早前被拍到在娛樂場所內吸煙一事指並非事實，她強調自己當時是在室外露天地方吸煙。對何韻詩承認是同性戀，她說：「我冇資格評論別人嘅性取向，自己鍾意男性，唔會接受同性戀者追求。」

圓圓說正值夏天，露多點身體可以接受，對於近期g模性感露肉，她說：「其實每個女仔着衫覺得舒服就OK，如果露得唔舒服就唔好，自己係model都有好多性感衫要着，效果靚我都接受到。」早前周秀娜的寫真被批評似AV，又被傳曾經整容，圓圓說：「冇留意，冇睇，唔知呢件事，我同佢一齊工作過，覺得佢不嬲都好專業同好nice，同埋都覺得佢身材好，冇諗過係真定假。（你想唔想出寫真？）我唔覺得自己係g模。（唔係都出得㗎。）如果出書我會自己寫書代替相。（有內涵啲？）係。」