熱愛駕駛飛機的王敏德（Michael），昨日以「機師」身份出席手錶品牌IWC於尖沙咀1881的新店發布會。Michael透露近日忙於灌錄唱片，並表示繼推出泰文唱片後，會再推出國語唱片，他笑說：「我識好多國語歌，最熟係張學友，佢首首本名曲我唔記得咗個名，不過我識唱。」隨即大聲哼出來，卻唱了伍思凱的《特別的愛給特別的你》，認真搞笑！

對於近日一班(o靚)模拋胸賣肉，問Michael可介意女兒穿着性感？他說：「冇乜所謂，兩個女去沙灘都會着比堅尼，但我一早教佢哋着比堅尼影相啲甫士唔好咁賣弄，同埋盡量唔好將啲相整上facebook，因為一整咗，全球都可以睇到，要好小心先得。」