雖然趙碩之（Wylie）今年「封胸」讓路給師妹尹蓁晞，未有加入寫真熱潮，但Wylie仍然有寫真集「推出」，其實是一本由龍友組織的影友會「大樹影室」推出名為《未成名少女寫真集》。不少(o靚)模未成名前，都曾被龍友邀請拍照，當中Wylie、周秀娜、羅凱珊、胡心諾（Rainbow）和尹蓁晞也不例外，不過初入行的Wylie和Rainbow還未掌握化妝技巧，衣着打扮土氣，Wylie其中一張隊酒沉思的照片，穿恤衫兼打呔，打扮中性。

身為大樹影室負責人Stephen，指當年Rainbow是陪朋友嚟試鏡而認識，他說：「我哋無揀佢朋友，反而打畀Rainbow問有無興趣影，所以都算係我哋一手發掘佢出嚟，同埋好多(o靚)模我哋都影過，可以話係龍友篩選過後再畀模特兒公司發掘。呢本寫真集純粹係為影友會作紀念，預計銷情應該好好。」寫真集集合超過300張過百模特兒的照片而成，限量二千本。