一班(o靚)模趁書展推出性感寫真集，引起網民杯葛及同行罵戰，其中周秀娜（Chrissie）寫真內一張「刷牙滴牙膏」被趙碩之指意識不良，Chrissie即暗寸去年對方也以低胸切魚生來博宣傳。昨日碩之力撐自己不會將魚汁滴在胸口，更斥Chrissie的寫真令人聯想到日本色情文化，令罵戰升級！

昨日，趙碩之和師妹尹蓁晞（Yumi）一同出席新太陽廣場舉行的「新地稀世珍藏爬蟲展」活動，更即場與稀世蛇蟲近距離接觸，大膽的碩之除了拿着蜥蜴作狀啜嘴外，更將蛇繞在手腕拍照，不過就向在旁的蛇蟲專家說：「可唔可以將佢個頭向出面，我驚佢會爬入嚟（胸口）！」

趙碩之（左）與Yumi嘟起個嘴想親親條蜥蜴。

性感碩之（左）對這些爬蟲類感到十分新奇。

對於日前周秀娜作出反擊，指自己的寫真集不是教科書，也不是教人如何刷牙，更暗寸碩之去年為谷宣傳也低胸切魚生；碩之被問及時繼續寸爆：「係人都知佢本寫真唔係教科書，但作為公眾人物，睇事應該全面啲，個個(o靚)模都話自己賣健康性感，但我唔覺得佢嗰啲係健康性感，如果啲小朋友問起會有尷尬位。」

在旁的Yumi亦加把口表示：「會令人諗歪咗，聯想到日本色情文化！」碩之接着說：「可能呢個就係佢本寫真嘅賣點啦！」

放心畀小朋友睇

對於Chrissie指她低胸切魚生博宣傳？碩之寸爆說：「我切魚生唔會咇啲魚汁落個胸囉，我有小朋友fans，佢哋好辛苦儲錢買我本寫真嚟睇，畀佢哋睇到我會心安，我係為小朋友嘅立場着想。」其後碩之續說：「佢話想留番24歲嘅紀念畀自己將來睇，其實佢無時無刻都可以影相留念，係咪代表出街嗰啲相先可以留念呢？」句句有骨，罵戰升級！

文：名人組