想化個靚妝，即使知道至熱化妝潮流，用上至潮靚爆妝物，再加一定程度的化妝技巧還未夠，一些細眉細眼但又影響至大的化妝小貼士才能令你錦上添花，令整個妝容達至完美，將最靚一面展現人前。

今個夏日粉色系大行其道，色調柔和悅目，清麗浪漫的彩妝是今夏主打，粉色大眼妝更是重點所在。經常為徐子淇、張栢芝、林嘉欣和楊紫瓊等化妝的專業化妝師Will Wong就以IPSA粉色妝物示範這個以天藍色和幻彩紫眼影眼妝作焦點的妝容。

不過大部分東方女性都怕粉色眼影會令雙眼看來浮腫而卻步，Will就教大家一些小貼士：「搽粉色眼影前可以先用淺色，好似白色同銀色嘅creamy狀眼影打底，令眼窩令令哋，之後再掃上粉色眼影就唔會眼腫，同埋隻色都會突出啲，亦可以提升眼部輪廓，喺眼頭掃少少紫色眼影可以令雙眼更精靈。」

在眼窩和雙眼皮位置掃上天藍色眼影，再用天藍色眼影勾畫下眼線，加強眼妝層次感，之後在眼頭掃上幻彩紫眼影，令雙眼更加精靈有神。	Face Color E262 $140Face Color E06 $140	用黑色眼線筆填補睫毛間的空隙，營造自然的上眼線。
Super Fine Eye Liner HBK $180	從眼睫毛根部開始以Z形向上掃上睫毛液。	Volume Impact Mascara $220
於臉頰打斜掃上粉橙色胭脂，再於臉頰和T字位掃上橙金色彩粉作Highlight，提升肌膚紅潤感，即時變得白裏透紅。	於櫻唇塗上珍珠粉紅色唇膏和蝦肉色唇彩，加強透明感，令亮麗櫻唇更加水凝剔透。	Essence Lip Gloss E01 $190
Essence Lip Stick H511 $220

Z形拉眼睫毛

而一雙靈動大眼睛是整個彩妝的焦點，當然要重點塑造如羽扇般的迷人眼睫毛，能令雙眼看來更圓更大的眼線亦絕不可缺，但是不少女性塗上濃濃的睫毛液卻反而令眼睫毛向下垂，畫上粗粗的眼線卻只令樣子變得兇惡，皆因不懂當中竅門。

Will說：「塗睫毛液唔使狂搽，太多反而令啲眼睫毛好重，墜到佢哋垂晒落嚟。只要喺根部Z形咁向上拉就夠。眼線唔一定要好粗，幼幼哋好自然就得，喺上眼線眼尾位置輕輕拉長少少，下眼線淨係畫眼尾三分之一，再將上下眼線連埋，括住眼角位就有令眼睛變大嘅效果。」

持久粉底

要締造完美妝容，粉底可謂最基本又最重要的，經常為一眾Artists化妝的Will就首推IPSA的Pure Protect Liquid Foundation，張栢芝和林嘉欣等都大讚其效果，Will說：「係我用過最好用嘅粉底，好薄但遮瑕度又高，夠潤但一啲都唔『立』，爽得嚟唔覺乾，夏天用最啱。加上佢有控油同抵擋汗水功能，好似栢芝同嘉欣佢哋成日要拍外景同喺studio影相，個妝化足一日都唔怕溶，長時間keep住靚。」

今期推介

夏日陽光猛烈，防曬美白更加要徹底，SHISEIDO 推出Brightening Protective Moisturizer N SPF16 PA++ 蘊含抑制色斑複合物成分，抑制黑斑和黑色素，同時具有多效修護維他命C，淡化角質層黑色素，締造無瑕美白。

夏日油脂分泌較多，俏臉易生豆豆，ettusais emollient supplizer能紓緩粗糙乾硬的敏感肌膚，抑制豆豆繁殖，同時抑制發炎狀況，防止豆豆形成，軟化老化角質細胞，促進其自然脫落，讓肌膚紋理回復幼嫩細緻。

肌膚要充滿水分才能水凝剔透，Cle de Peau Beaute Gentle nourishing emulsion有效調節酵素活動，提升保濕機能、給予肌膚滋潤，促進細胞再生，改善新陳代謝，令肌膚恢復活力和彈性。

文：張嘉敏

攝影：吳文聰

化妝：Will Wong

髮型：Total Tseung（Total Hair Studio）