搵食車除咗要慳油好力、經濟實用外，揸得舒服同樣咁重要。去年，現代汽車（Hyundai）推出了全新的H1 Van，超低油耗不僅成為職業司機的好拍檔，還吸引了不少家庭用家的垂青。日前，代理引進了自動波版H1 Van到港，以後塞車唔使再「吊極力子」外，其五前速加減波也為司機帶來駕駛樂趣。

造型富MPV味道

H1 Van的外觀有別於傳統輕型貨車的方正設計，造型帶有濃厚的MPV風格，假日當作家庭車用都唔失禮。針對貨Van講求實用和高效率，H1 Van搭載了一副歐盟四型2.5公升引擎，當中的CRDi技術除可提供高壓噴注以改善柴油燃燒效率外，在降低粒子和氮氧化物排放量的同時，馬力輸出更比同級對手多出30%，而油耗僅為7.1L/100km，計落都唔使$0.7/km。另一方面，代理還提供5年或10萬公里全面原廠保用，加上售後服務經濟，連工包料的更換機油套餐只需$730，營運成本自然降低不少。

彩色顯示屏已連接後視鏡頭，泊車自然輕鬆得多。	前排首飾箱設有兩層間隔，提取物品更加方便。	引擎具備省油好力的特性，行1公里都唔使$0.7。

行車舒適寧靜

H1 Van以豪華MPV為設計藍本，懸掛用上前麥花臣式支柱、後葉片式彈簧設計，行車舒適、寧靜，加上車廂空間寬敞，乘坐感媲美私家車。為提升制動效能及安全性，H1 Van已配備四輪煞車碟和安全氣袋，加上車架以高剛性環形設計，對乘客自然有更大的保障，更何況出車標準已包括16吋合金輪圈、彩色屏幕連後泊鏡頭、真皮軚環及波棍頭，現時代理以$199,800預售價推出，於車展期內更加送銀底油、LED指揮燈側鏡及首年牌費，可說是物流界的好消息。

五前速波箱附設加減波功能，為司機帶來駕駛樂趣。	雙趟門設計使上落更方便，而後座極為闊落，坐３名大隻佬都唔怕逼。	尾箱空間達1,585×1,580×1,350mm（長×闊×高），載貨多多幫到手。

車展資料

日期：7月11日及12日

時間：11:00am~8:00pm

地點：鑽石山荷里活廣場一樓明星廣場

規格表

車　　型：五門六座位輕型貨車

引　　擎：歐盟四型CRDi柴油引擎

容　　積：2,497c.c.

最大馬力：170ps/3,800rpm

最大扭力：40.0kgm/2,000~2,500rpm

傳　　動：五前速加減波

驅　　動：前置引擎、前輪驅動

制　　動：（前/後）通風碟

懸　　掛：（前）麥花臣式支柱（後）葉片式彈簧設計

撰文：鄭浩文　攝影：梁偉德

查詢電話：3428 8288（Hyundai HK）