近日有不少人開口批評眾靚模影響風氣，一直拒絕被列入靚模一族的諸葛梓岐亦加入戰團，表面上自嘲自己身材唔夠靚模勁，實際上暗寸靚模們只靠騷胸出位，毫無實力！
諸葛梓岐昨日出席PSP獵「色」行動－－網上慈善拍賣活動，與五位新進靚模「翻版Janice Man」Leanna Lau、「嫩版楊崢」Euins Li、Pinpi Tse、Yuann Wong及Fish Man同場。
男友唔介意身材差
問諸葛梓岐對哪位靚模印象較深刻？她即寸爆表示一班靚模只有身材：「都唔知邊個打邊個，個個都胸大，身材好過我！」她更指靚模們「一行出嚟就騷胸」，很容易被人認為做模特兒只是靠身材，不是靠性格，不過事後她卻補鑊讚靚模們幾靚幾可愛。問她可會擔心被靚模搶飯碗？她說：「我都唔夠人嚟！」又謂男友薛嘉麟從來沒有介意自己身材差。
設計遊戲機變嫁妝
在活動上，諸葛梓岐設計的PSP將擺放在屬於其男友的卡拉OK內展示，同場的麥玲玲笑言：「你個嫁妝！」令全場爆笑。諸葛梓岐見狀立即將遊戲機塞向玲玲，並說：「咁我畀你！」事後諸葛梓岐表示不知道玲玲會這樣說，笑言玲玲可能整蠱她。對於日前被拍得撇下男友避記者，她說：「我唔介意被人話鬼祟！」
文：名人組