想屋企有多啲安全感，除咗嫁個大隻好老公、請個唔爛瞓嘅護衞，仲有一個更實際嘅方法，就係養一隻醒目護衞犬！「蓮花犬舍—張松照犬隻寄養訓練學院」是犬隻訓練界的至Top學府，「畢業生」身懷百般武藝，而且服從性強，護主能力更強，簡直係現實版「超級零零狗」！

佔地萬呎設施認真

教學設備齊全亦係學院嘅賣點之一。逾萬呎草園可以畀狗隻盡情舒展身心，訓練設施亦經過精心設計，例如飛越障礙物訓練所用嘅道具，由兩個大鐵桶再加一度車門組成，模仿真實環境中狗狗飛身撲入車廂追捕壞人嘅情景，製作十分認真！

除咗護衞犬訓練班外，學院又開設基本服從動作訓練、行為糾正、花式班、德式狼狗比賽培訓等「學科」，還提供寄養服務，讓狗狗能專心訓練，早日學成。

專家坐鎮 練狗名校

若論犬隻訓練名校，「蓮花犬舍—張松照犬隻寄養訓練學院」一定係各位「家長」嘅首選之列。學院最出位嘅「學科」，首推護衞犬訓練班，專門訓練犬隻追捕賊人、保護主人。訓練項目包括飛身跨越障礙物、極速捕捉敵人、氣味搜索等，「學生」似足「特技狗」，睇到人嘩嘩聲！

學院背後猛將如雲，創辦人係香港德國牧羊狗協會主席郭永昌，仲有本港殿堂級訓犬師張松照擔任「校監」，師資質素有晒信心保證。張Sir特別提倡愛心訓練法，強調訓練師要與犬隻建立親密關係，成為牠們心目中嘅領導者，自然會聽聽話話。

受訓犬隻Show Quali

護衞犬訓練特別適合工作犬品種，諸如狼狗、瑪連萊犬等。以下就由一班學有所成嘅師兄、師姐作示範演出。

飛越障礙物：張Sir與「賊人」相距足有5米，犬隻需要飛身越過兩個大鐵桶。	狗狗一口咬中賊人手臂，今次仲唔乖乖就範！	任Fing唔甩身：狗狗飛撲到賊人膊頭，咬實唔放口（直至聽到指令為止），「賊人」點郁點Fing都難以「甩身」！
極速捕手：膽小狗見到賊人就掉頭走，此訓練令犬隻不怕人體及動作。	你已被捕，快啲舉手投降！	氣味搜索：「1號仔」毛巾沾有張Sir體味。
再讓狗狗記住張Sir嘅氣味。	狗狗要在10條毛巾中，搜索出目標毛巾。	索索索！終於成功找到「1號仔」！

查詢電話：2488 8969

資料：營業資訊