Angelababy是成功攻日的模表表者，不過有關她整容的傳聞卻沒完沒了，前晚她出席活動時高呼不要屈她，未知是否被是非困擾影響心情，她不慎露出打底膠紙兼離罩，引死粉絲，難怪她不怕流失fans。

「海港城STYLE Model Hunt模特兒大賽」前晚假海港城舉行，身為師姐的熊黛林（Lynn）與Angelababy夥拍老闆Kim擔任評判，一身粉紅色低胸裙出席的Baby，因裙身太重以至向下滑，害她露出打底膠紙。

Baby的低胸裙露出打底膠紙。	熊黛林（右）與Angelababy在模界當時得令。	冠軍曾咏（左）望能像熊黛林在模界有好發展。

「保留追究權利」

近日又被指整容的她，無奈的指是舊聞：「出道到依家都講緊，細個同依家都冇咩點變，係箍牙啫。（有美容院暗示你整容？）我同公司會保留追究權利。（嘴唇有疤痕？）係唇膏迹，我都習慣畀人講，呢啲舊聞已經講過好多次冇整容，唔想畀人屈！」

對於近期模橫行，Baby信心十足不怕fans會流失，還說很多活動找她，令她十分感動，何況又有寫真出。對模Annie G.被指是其翻版並不介意︰「我同佢做過嘢，我覺得唔似，可能某啲角度似，佢好靚。」

James Parry（右）、黃芝琪（右二）、鄭宇光（左）等上台行騷，為師弟妹做示範。

左至右：熊黛林、Kim及Angelababy落足眼力揀新秀。

Lynn飯碗唔易搶

入行十年的Lynn寄語參賽者要多學習及有自信，她大讚總冠軍曾咏和「最具潛質獎」得主王曉蓁是可造之材。對時下模行性感，Lynn自言彼此沒有衝突︰「好身材唔係壞事，但長線就要睇吓條路點揀，佢哋唔會搶到我飯碗，因為大家嘅路線完全唔同。」戴上心形鏈墜的Lynn指不是緋聞男友郭富城所贈︰「係客送，冇人送過心畀我。（城城遲啲開騷向MJ致敬？）喺台灣搞我去唔到，要睇DVD。（屋企跳畀你睇？）我睇DVD。我有睇過MJ嘅MV，我唔介意佢有冇整容，最重要係佢啲歌。」

文：名人組