好多家庭只得一部電視，但係除了免費頻道，不少都裝了收費電視，隨時幾十個台選擇，唔爭電視睇就假！PCCW最近推出了新一代eye2家居無線多媒睇，可以飛甩電線，以無線方式收睇家中的寬頻電視之外，部機仲可以當PMP及電話使用，屋企邊個角落都充滿娛樂！

升級之作

前年PCCW推出一個大屏幕的電話eye多媒體，用家可以用來睇簡單的新聞、天氣，亦可以睇某些寬頻電視台，個別用戶更可裝八達通讀卡器，去管理日常消費。雖然功能夠強，但外形仍是一部傳統電話機。事隔兩年，eye2家居無線多媒睇就以一個全新形象出現，該機採用直身設計，機身只見一個8吋大屏幕，但其實已經備有寬頻電視、視像通話、電話、PMP及數碼相架等功能。支援Touch Screen操作，加上機側的功能鍵，操作十分方便。

eye2家居無線多媒睇和數碼相架差不多大小，十分慳位，主頁顯示了最新天氣資訊。	方向鍵及功能表鍵設在屏幕旁，配合Touch Screen操作。	eye2介面的Icon一般都可以用手指頭直接觸屏操作，但亦可選擇用Stylus點選較細的圖示。
主機內置Wi-Fi，而Access Point的設計亦十分特別。

走勻全屋睇電視

eye2家居無線多媒睇內置Wi-Fi，配合Access Point配件，就可以在家中任何一個角落操作多媒體功能。該機支援觀看超過170條now寬頻電視頻道，而如果家中已經安裝now寬頻電視服務的話，更可選擇將服務計劃的頻道「自動過戶」，或另外再選用頻道只於eye2中收看；而且可和家中的now TV收看不同頻道，方便家中成員追劇時，自己在另一角睇波睇馬。除了寬頻電視之外，eye2個別服務計劃亦支援使用MOOV音樂旗艦店，可以聽歌睇MV。

看now寬頻電視時可以隨時選台及選擇以不同屏幕尺寸播放。	支援瀏覽MOOV內容，可看MV及Live節目。	如果不習慣以eye2主機打電話，可以$988優惠價另外選購Oregon Scientific的DECT Phone。

簡單玩視像

除了無線功能，eye2亦可變身PMP。機頂備有一個USB插槽，支援播放USB手指內的多媒體檔案；機側備有揚聲器及3.5mm耳機插槽，分享影片還是獨個享受悉隨尊便。另外，eye2亦支援電話功能，可以用免提或Speaker Phone作視像或是話音通話。其他功能方面，上一代eye多媒睇的內容如「生活百科」及「益智樂園」等都一一具備。

音量鍵在機側，控制播放及通話時的音量。	機頂備有耳機及USB插槽，方便擴充記憶體。	eye2內置PMP功能，支援播放擴充記憶體內的多媒體檔案。
放大圖片

撰文：周雁秋　攝影：陳志滔

查詢電話：2888 1888

網址：www.pccweye.com