本地設計師郭翠華（Ranee K、圖）昨日出席西門子活動，身穿連身裙加西裝外套的她，腹部明顯凸起，記者即上前問她是否懷孕，Ranee一副認真模樣說：「我啱啱生咗，BB廿一日前出世，係男仔。（你唔使坐月？）咪坐緊囉，今日嘅活動喺室內冇問題。」Ranee表示自己上年結了婚，還笑指自己有效率。被問到兒子的名字，她說：「我哋叫佢『豆豆』，因醫生話佢似粒豆。原本諗住自然分娩，但BB個心跳唔係好正常，最後要開刀。（第一次做媽咪有何感受？）我唔係第一次，我已第三次，因為有兩隻貓。」

Ranee表示以前做設計凡事要親力親為，現覺得是時候作改變，但當叫她做司徒太太時，她卻還未習慣，她說：「你咁叫我唔會應你，叫番我個名好啲。」