前晚模特兒汪圓圓、姚書軼、黃德如及羅慧娟等一起出席活動，汪圓圓坦言受大圍經濟轉差影響，以致工作量大減，故希望趁這段「空檔」自我增值，原來她一向對做蛋糕很有研究，本身已學識焗製蛋糕，最近再進一步學做蛋糕裝飾，她說：「每年家姐同我慶祝生日，都會專登喺出面訂一啲好別致嘅蛋糕，今年生日佢就送咗個LV篋形設計嘅蛋糕畀我，上年就訂咗個iPhone形蛋糕，覺得好得意，自己希望可以親手整番個。」

另外，本身曾在加拿大學習水彩畫和素描的她，又計劃學油畫和跳舞，但卻被爹哋大潑冷水，指學畫畫冇出路。而同場的黃德如上月4日再做媽咪，她本身已有一個兩歲多的兒子，現再添一女，湊成一個好字，女兒出世時重6磅多，中文名叫梁式妤，英文Charisse，德如又透露昨日已替女兒取出世紙。