小兒科玩轉地球

本文重點

通識，即係不同學科統統都要識，有時仔女問到，真係被考起！

近日，挪亞方舟「擱淺」馬灣，帶來本港首個多元智能兒童博物館「珍愛地球館」，上至天文、下至地理都可在「船」上學到，各位爹哋媽咪快啲帶埋仔女換上挪亞Look，向知識的汪洋啟航！

佔地逾萬呎的兒童樂園「珍愛地球館」，包羅15個展館，主題都是小朋友「每事問」的東西，包括考古、宇宙、動植物、人體、未來世界等。為了令知識深印小腦袋，館內布滿互動遊戲，先帶出問題，引發好奇心，再讓孩子自行探索找出答案，過程眼看手亦動，學習效果滿「Fun」！

冷知識如動植物生態、人體構造，上堂學悶到嘔，放在這個「互動教室」容易入腦得多。小朋友跳跳跳、扭扭扭，實行邊玩邊學！

點樣運用「腦」力？拉開圖卡，就知小腦、腦幹是如何分工合作。	無數昆蟲標本展現奇特品種，讓人驚嘆「蟲」不簡單。	廢物都係寶！配對遊戲讓大、小朋友發現，廢紙能夠做蛋盒、舊車胎可變公園軟墊。
跳跳跳！幫巨型花花注入水分、陽光及二氧化碳，光合作用就係咁簡單。	穿起醫生袍，依指示卡的病徵替人醫治，特別「入戲」。