近年時裝界熱吹民族風，其中充滿異國風情的波希米亞式華麗在今夏就大行其道，而彩妝潮流亦受這股風潮影響，波希米亞妝容於俏臉上大放異彩，焦點全落在一雙充滿魅惑的大眼睛，以及蜜糖色的肌膚上，散發自然原始的美態和絢麗熾熱的陽光氣息。

今季各時裝大師都把波希米亞風繼續呈現在設計之上，而天橋上的妝容亦滲着濃厚的異國風情，顏色鮮艷誇張，加上肌膚上的古銅光澤，盡顯夏日溫暖的感覺。而這身造型已不再限於天橋上，還成了今夏的流行潮爆look。

先用金色和銅色眼影在雙眼皮位置打底，再在雙眼之眼頭位置掃上淺藍色眼影。	於面頰兩旁打斜掃上古銅色系胭脂並營造shading效果。	用黑色眼線筆勾畫上下眼線，再用藍色眼線筆畫在黑色眼線上，沿上眼線掃上深藍色眼影，沿下眼線則掃上淺藍色眼影。
Eye Mosaic（Mediterranean Sea） $300	Eye Mosaic （Sahara Sun） $300	在櫻唇塗上唇膏，令雙唇水盈豐潤，亮麗迷人。

散發自然氣息

若已厭倦有如洋娃娃般白裏透紅的粉色甜美妝容，大可一試感覺自然原始，如陽光般熾熱耀眼的波希米亞彩妝，定能令女士們散發另一種美態。身為薛凱琪（Fiona）化妝師，及曾為郭羨妮、吳佩慈、何韻詩和曹敏莉等化妝的專業化妝師Jessica，今次就以Laura Mercier全新妝物塑造出漂亮動人的波希米亞妝容。這個妝容的焦點全落在一雙攝人魅惑的大眼睛上，還有要配合古銅閃亮的蜜糖膚色，Jessica說：「要締造波希米亞妝容最起碼個妝要令令哋同埋古銅tone，個妝畀人嘅感覺好有質感同好健康，亦有一股原始自然氣息，好似Earth同Sun咁。眼影會用深藍色，其實藍色好襯東方人嘅膚色，由於focus係眼，眼線可以重少少，上眼線用黑色，下眼線就用藍黑色，可以突出雙眼輪廓。」

龐董晶怡醒你護膚之道

再漂亮的妝容都要有健康美麗的肌膚才成事，護膚絕對是最基本又最必須的。龐維新太太龐董晶怡作為靚靚媽咪，自然深明護膚之道，Sisley的Ecologica Compound以及Global Anti-Age是她的心水推介：「我十幾歲已經用Ecologica Compound，佢蘊含人參成分，可以補充水分、減弱太陽輻射對肌膚造成嘅傷害、迷迭香同積雪草就可以刺激細胞生長，促進蛋白膠原形成，令肌膚更富彈性，防止肌膚老化。Global Anti-Age就更加滋潤，我夜晚用完第二日啲皮膚明顯緊緻咗同埋有光澤，質地完全唔立，好易吸收。佢含有多種維他命，有效抗氧化同抗皺，令肌膚再生，回復緊緻柔潤同亮澤。」

Sisley Ecologica Compound $1,380	Sisley Global Anti-Age $2,650	龐董晶怡為了Keep住靚樣，平時也花不少時間護膚。

薛凱琪啱做波女郎

身為薛凱琪（Fiona）化妝師的Jessica大讚Fiona的肌膚嫩滑，易於上妝，而今季大熱的波希米亞妝容亦十分適合Fiona：「佢本身膚色有少少蜜糖色，好啱化呢種妝，閃閃哋，感覺好陽光好夏日。加上佢有對大眼睛，襯埋藍色眼影就更明亮更精靈。」

而Tinted Moisturizer SPF 20：Illuminating與Illuminating Powder就能輕易營造這種妝容，是入門必選：「用Tinted Moisturizer打底可以令面部肌膚變得閃亮有光澤，帶有點點古銅效果，係整個妝容最基本嘅。而Illuminating Powder就可以用嚟做shading或者highlight，同一色系嘅四種色調可以分開或者混合一齊用，非常易襯，喺陽光折射下會有閃爍耀眼效果，形成好似日曬後嘅蜜糖膚色。」

Tinted Moisturizer SPF 20

Illuminating Powder $300

採訪：張嘉敏

攝影：馬永堅

化妝：Jessica

服裝：Lane Crawford