陸永登上 升呢靚View扒房

試想想食一餐晚飯可盡覽香港三大靚View ―― 維港景、馬場景、山景，多爽！坐在位於灣仔全新商廈頂樓的Wooloomooloo新店，可以一次過歎盡靚景之餘，也可以一嘗由靚仔總廚Sebastian特別為這分店設計的菜式，環境靚、食物又正，連準備為個人棟篤笑而閉關在即的陸永，也特別登上這高點，吸吸靈氣、「升升呢」。

撰文：鄧善文　攝影：林資凱

放大圖片	吞拿魚蟹柳卷（$140） 吞拿魚切成薄片，卷着鮮蟹肉及木瓜，兩者味道配合，加上香草醬汁，口味清新。	澳洲牛肉他他（$135） 用上澳洲牛柳肉，油分不太重，而且剁碎後仍然極具口感，這裏的他他要客人食出牛肉鮮味，故不加入太多配料，是最傳統的歐陸食法。

化妝：Manyee　髮型：Ivan@salonIDE　

餐廳悉心搜羅法國、澳紐及智利等地名釀，在入口處擺放了酒架以陳列各國佳釀以恭迎蒞臨的賓客。	餐廳設有可容納十二人的VIP房，一邊落地玻璃，另一邊裝飾陳設得像外國的郊外Cottage，大家可自成一國地享受美膳。	美國安格斯肉眼扒（$580） 美國牛肉質素參差不齊，餐廳堅持只採用全天然飼料飼養120日大的Black Angus，更有USDA保證，大家可以安心的把這肥美肉眼放入口。

服裝提供：Juice　查詢電話：2893 6960

環境裝修菜式齊齊「升呢」

無敵靚景是Wooloomooloo灣仔新店的最大賣點之一，登上上層頂樓的露天酒吧，270度超級View盡入眼簾，最左面可遠眺維港、尖沙咀、會展等，正前方可鳥瞰整個灣仔及銅鑼灣，右面則是跑馬地馬場及翠綠山景，而餐廳的內部裝修也用上了全新概念，淡化了澳洲色彩，改走時尚設計路線，深淺對比的木製裝潢，除了營造出寬敞的空間感外，更有融入大自然之感覺。來到Wooloomooloo，牛扒也是不得不試，這一回餐牌中的菜式也「升呢」了，引入百分百天然飼養的美國Meyer安格斯牛肉，Sebastian說：「只有灣仔店才有售的美國Meyer安格斯牛，絕對是不含抗生素及賀爾蒙去催谷生長，當地牧場寧願放棄發育未如理想的牛隻，也不會為牠們下藥。」餐廳也是全港唯一一間採用英國皇室御用的Champagne Bollinger作為House Champagne。

「升呢」秘密邊食邊創作

這次陸永的棟篤笑，也希望給人與農夫一個截然不同的感覺，獨腳戲名為《陸永棟篤撐之我係明「升呢」》，於7月在北角新光戲院開騷，已經開始賣飛，陸永解釋新光比其他場地Casual，可以邊食邊睇，感覺親民，而且居住東區多年也沒有去過新光，這次他可趁機會參觀一番。陸永稱寧願蝕錢，都要完成開騷夢想，最難得的是有公司支持：「老闆叫我放心去做，更准許我閉關一個月，專心度稿。」曾有一段時間，陸永喜愛到屋企附近的日本料理店邊食邊創作，有時一坐便幾小時，幸好他已經洞悉了度Gag的竅門：「自己要覺得不好笑，台下的觀眾便會笑不停。」這方法會笑死新光的觀眾們嗎？到了7月大家便知道他的成果。