徐子淇（Cathy）的好友陳君宜昨日出席內衣專門店開幕，她透露已探望過Cathy，並大讚BB女可愛，她說：「最得意係BB一出世就識得笑，我送咗個公仔畀佢，佢當時瞓緊覺，一開眼見到個公仔即刻笑。（BB似邊個﹖）兩個都似，上半截似爸爸，下半截似媽咪。」她表示Cathy精神不俗，問到對方為何選擇開刀，她坦言：「我真係唔知道。（佢幾時再生﹖）我諗冇咁快，因為係開刀，慢慢嚟，佢咁後生。」
另外，提起選購內衣，陳君宜稱最重要舒服，她說：「我乜款都鍾意，我會買唔同類型同顏色嘅內衣嚟襯衫，因為有時啲衫透透哋。」
