周子駒食一場鐵板燒Show

音樂節目主持人周子駒（Cyrus）：「日本菜有種表演味道，好似壽司的板前、懷石料理的碟上藝術咁，而最佳例子當然係鐵板燒啦，睇師傅拋樽、噴火、舞刀等，覺得好吸引，稱得上是一場Good Show。」

新開的熝鐵板燒更因環境開揚，而且日日上演多場「大Show」，引得這位出Show常客也前來品嘗。

法國鵝肝 $180：香脆鵝肝內裏甘香，連同麵包一起品嘗，可謂人間極品。	活龍蝦及美國牛肉鐵板燒套餐$780（兩位）：有齊刺身、燒帶子、原隻活龍蝦、美國牛肉鐵板燒、炒菜、炒飯及龍蝦頭味噌湯，單看這個陣容，便知食得好滿足。	魚缸內全是本港揀手生猛海鮮，想食甚麼一目了然。帶子$65一隻、蟹時價、龍蝦時價、大蝦$138一隻

唔怕有油煙味

做鐵板燒選址好重要，如果地方夠大又開揚，便不會有油煙味，位於數碼港Foodcourt內的熝就是看中這裏符合要求。有別於一般鐵板燒座位少、氣氛Moody，這裏則樓底極高，又將日光引進來，還可讓每個路人、食客都看到師傅表演，活像一個大舞台。Counter位設有三個鐵板爐，全都配備了很好的抽氣系統，抽氣量是一般的三倍，坐在爐邊進食也不怕沾到油煙味。

除設備一流，餐廳亦選料認真，包括日本A5和牛、新西蘭羊架、法國鵝肝，以及每日運到的本地生猛海鮮，像鮑魚、龍蝦及象拔蚌等，甚至是較少見的游水方利，雖然取價在Foodcourt來說不便宜，但比同類型的食店就平上三至四成。

鹽燒方利 時價：野生、游水的方利甚為罕有，今次以鹽燒方法炮製，皮脆肉嫩鮮甜，值得一試。	羊架 $198：來自新西蘭的優質貨，嫩滑唔羶，師傅還將它煎得外皮略脆，啖啖肉汁豐富。	鐵板燒店環境開揚，就像搬到大舞台般，可日日上演烹調「大Show」。

控制火路時間

大廚James可說是鐵板燒「表演」的主角，擁有二十多年的經驗，難怪「表演」時功架十足，他指鐵板燒最緊要控制火路及時間。看過James的最佳示範，Cyrus就回憶起日本的美食之旅：「我好鍾意一間叫Seryna的食店，尤其是新宿住友大廈那間，響頂層一邊欣賞風景，一邊看大廚炮製鐵板燒，好睇又好食，雖然每位最少要成千蚊，但每次去親嗰度都想試。」

撰文：楊淑英 攝影：林資凱

查詢電話：2989 9277