葉童拗柴痛如心臟病發

葉童前晚包紮着左腳欣賞歌劇，她表示因為在TVB拍劇時不小心在樓梯上拗柴，不過當時沒有roll機，笑言感到很不值，她說：「嗰下痛到好似心臟病發咁，依家開工都要着拖鞋同就住嚟行。（唔請假？）我拍戲咁多年從未試過請假，唯一一次請假係畀人掌摑到微絲血管爆裂，至於係邊個就要保持神秘感。今次我喺戲入面扮演一個優雅女士，要慢慢行所以都就到嘅。」

近期豬流感（H1N1甲型流感）疫情爆發，葉童指因為是敏感時期，若自己患病都會考慮請假。