韓國天王鄭智薰（Rain）將於下月六日以大軍壓境姿態，斥資達八百萬港元為其服裝品牌SIX TO FIVE，在港舉行一場Fashion Concert，並動用港韓兩地超過三十名模特兒，掀起本地模界大騷動，據知大會要求嚴格，話明要具備四十吋以上長腿的一級模特兒，跟Rain同台，一吋也不能少！
今次《Rain's Fashion Concert》雖假觀眾人數只有數千人的會展舉行一場，但力求完美的Rain卻從韓國動員過百人到港，連機票食宿兼舞台製作等總成本，共接近港幣800萬元，可謂不計成本外，亦同時成為本地模界熱話。據知為配合Sexy & Gentle的主題，今次動用本地的模特兒，除了是一級外，更要擁有四十吋白滑長腿，身高要超過170cm，一吋也不能少！而今次歷時90分鐘的演唱會，Rain勁歌熱舞中會以時裝展來穿插，故要用上T字形舞台。
雖然票價最高是1,625元，最低為380元，但已掀起搶票熱潮，動力娛樂羅小姐承認門票緊張，對於選模要求四十吋長腿，她說：「要求係嚴格。（Rain有份揀？）佢會參與揀模特兒嘅過程，人選稍後先可以公布。」
有信心騷quali
另外，Rain早前接受本報訪問，對來港演出興奮莫名，「我會以歌手同設計師嘅身份，去表現不同嘅我，通過活力動感嘅fashion concert同埋獨特嘅舞台，令我好有信心將服裝呈現畀大家。」身為品牌老闆、代言人兼設計師，又要兼顧演藝事業，Rain自言愈做愈起勁，「可以做到自己鍾意嘅嘢，令我變得更加勤力。平時無咁忙，不過點都會每日返公司開會。」
讚港女衣着獨特
愛美的Rain，自言牛仔褲是最愛，「我覺得女仔穿牛仔褲，比起着隆重奢華嘅晚裝更加靚。香港簡直係時裝天堂，隨處都見到着衫風格獨特嘅女仔，我都經常喺佢哋身上攞到靈感！」
文：名人組