曾修讀珠寶設計的汪詩詩昨日出席Grosse新店開幕時，透露與該品牌crossover設計首飾系列Cissy collection，所得收入將撥捐四川災區，故此酬勞不高：「我仲傾緊希望唔好賣咁高價錢，多啲人買到就多啲災民受惠。依家我家庭穩定，小朋友又大咗，老公（甄子丹）都舉腳贊成，話我都應該出嚟做嘢，畀我知道佢賺錢有幾辛苦。」
早前詩詩到四川探訪，看到小朋友露出的笑容感到很滿足，她說：「之前我遇到唔如意事，會問點解係我，但我依家唔會，我好希望再探佢哋，到時我會帶埋個女一齊去，我好想再睇到佢哋嘅笑容。」
同場剛在溫哥華置業的楊洛婷透露自公開地址後，弟弟的座駕經常被盜竊：「細佬架車一星期畀人兩次扑玻璃偷嘢！」