名模歐陽妙芝大仔方玉丞今日（十三日）四歲生日，於上周六提早在麥當勞開生日會慶祝，出席的家長和小朋友多達百名，她說：「我老爺係潮州人，佢認為小朋友五歲前都唔好大事鋪張慶祝，今次算係破例，因為獎勵大仔之前做咗個小手術好乖無扭計，佢想有個自己嘅生日會，老爺都有批准。」
當日，方玉丞與父親方時俊一起穿着黑白間條父子裝，為配合生日會反斗車王的主題，妙芝幫兒子打扮成賽車手，又訂製十磅重的反斗車王蛋糕，更安排兩部開篷兩層巴士接載小朋友遊車河，她說：「原來佢好多同學仔都未坐過巴士，遊中環一圈，坐咗45分鐘，猛話唔夠。」為免忽略老公，妙芝七月將陪老公到英國睇米高積遜演唱會，再到意大利和法國旅行，過兩周二人世界。