著名化妝師Rick Chin早前出席Max Factor活動，親自為模特兒示範最新化妝。而Rick最近搞的網頁有聲有色，他開心表示網站的瀏覽人數眾多，遲些會搵好友張栢芝拍攝新一輯化妝相，他說：「栢芝依家忙湊仔，佢喺屋企得閒就會畀好多意見我，佢係我嘅幕後軍師。」
另外，Rick又表示將在中環開店，現正忙於裝修，希望七月可以開張，他說：「間舖頭有少少化妝品賣，但啲產品香港買唔到，另外會搵藝員合作，同佢哋crossover設計化妝袋，個袋嘅收益會全數捐畀無國界醫生同埋醫管局的乳癌中心。」Rick又指將會定期搞聚會，邀請女藝人與大家分享扮靚心得。被問到會否再出旅遊書，他表示由於太過忙碌，故未必能趕得上今年書展推出：「我之前已去咗亞馬遜河一個月，手上有資料，但實在太忙，未必搞得切今年出書，可能下年先出。」