模特兒莊思敏（Jacquelin）百足咁多爪，除近年轉向電視界發展外，原來早前她密謀成為設計師，更首度設計新娘鞋，向難度挑戰。
Jacquelin早前應鞋履店TITIKAKA之邀擔任代言人，並兼任旗下Bridal Collection的鞋履設計師。她自言向來對設計感興趣，不過因自覺沒有繪畫天分，故求學時未有修讀設計系，但曾為經營珠寶店的母親操刀設計首飾。
至於為何選擇設計新娘鞋，Jacquelin解釋她想縮窄範圍，令自己有個方向。後來發現做新娘鞋難度相當高，因為局限性大，要尋求突破非易事，她說：「顏色方面一般都係白色，但我就會嘗試用蝦肉色同淡粉紅。另外，我鍾意好高嘅高跟鞋，但又考慮到新娘當日要着住企成日會好攰，所以技術上要由專業人士幫手，對鞋高得嚟，又要舒服。」Jacquelin在一個月內已完成七、八款設計草圖，但部分設計因太天馬行空而被要求修改，之後每個月她也會陸續設計更多鞋款。問到日後結婚，會否為自己設計新娘鞋，她肯定地說﹕「一定會。我仲會幫埋新郎特製一對添！其實我有興趣設計男裝鞋，睇吓有冇人敢搵我做啦！」