Amanda S無懼流感帶病咀男友

豬流感襲港，人人自危，有任何傷風感冒都要倍加留意，模特兒Amanda S.日前患感冒，已即時睇醫生，幸好並無大礙。鬼妹仔性格的她，還看過風水師，揚言自己是長壽之人，無懼病菌每日與男友錫錫。

Amanda S.昨日為Marionnaud開業一周年擔任模特兒，示範新妝。談到近日肆虐全球的豬流感（H1N1甲型流感），Amanda表示上星期也有輕微傷風，之後已即時去看醫生，幸好並無大礙，她說︰「醫生講笑話唔使死，我又冇發燒，唔使食藥，佢叫我可以照出街，最緊要自己保持乾淨，洗多啲手，男朋友佢好健康，我都冇傳到畀佢，我更加唔使自我隔離，每日都照同男友錫錫。」她並笑言曾經看過風水師，風水師說她很長命，所以她絕不擔心流感病毒會危及自己的生命。

化妝師為Amanda S.化上今季最新妝容。

Amanda化上新妝後顯得容光煥發，完全看不出剛剛病愈。

返法國與父祝壽

另外，Amanda表示六月會回法國為七十歲的父親祝壽，她說︰「我爸爸鍾意食朱古力，到時我會整個朱古力大蛋糕，再加埋禮物，希望男友到時可以一齊慶祝。爸爸都好鍾意我自己揀嘅男朋友，佢好信我嘅品味，我開心佢就開心，同埋佢哋兩個都有傾電話。」

文：名人組