前晚，2R的黃婉伶（Race）和黃婉君（Rosanne）及蘇永康應時裝店Joyce的邀請，到其中環店欣賞「Katsuhide Morimoto X Undercover Grace」相片展覽，這些展覽是Joyce聯同日本時裝品牌Undercover的時裝設計師Jun Takahashi（高橋盾）所舉行。Race和Rosanne與設計師高橋盾相識六載，Rosanne更踢爆Race對內衣設計產生興趣是因為高橋盾，Race承認籌備半年多的內衣店將於六月在新加坡開業，她說：「店名叫做Rondavous，係我同Rosanne再加埋最細嗰個細妹三個人合作開嘅，引入外國品牌走中高檔路線，仲會有自己品牌，由我負責設計。」
Race更大方公開投資數目：「大概二百萬港紙，我哋都儲咗好耐錢㗎！」但兩姐妹就無意親自做生招牌。談到會否擔心金融海嘯影響生意，Rosanne表示對新店有信心：「經濟差，啲女仔留喺屋企，更加會買多啲性感嘅內衣氹男朋友開心！」
同場的蘇永康表示已幫襯了Undercover十年，熱愛時裝的他，談到好友徐濠縈開設的時裝店極速回本，他笑言：「我都有去幫襯㗎，不過佢回本都係靠佢老公（陳奕迅）。」
另外，高橋盾本月十五日在Blog內上載陳冠希（Edison）近照，惹起城中熱話，還大讚Edison友善。而昨日他又上載Edison死敵麥浚龍照片，更透露稍後會與Sillything合作。