熊黛林（Lynn）昨日穿上性感的低胸裙出席商場活動，期間當她大獻舞技時美好身段呼之欲出，她又大讚緋聞男友郭富城是舞林高手，更有意找對方做舞伴。
昨日熊黛林出席金鐘太古廣場「Join the Summer Sail at Pacific Place」活動，以超性感打扮示人的她更穿上Deep V大露背裙翩翩起舞，美好身材表露無遺，而當Lynn穿回另一套低胸碎花裙坐下供記者拍照時，雖然已表現得小心翼翼，但可惜最後仍不慎失守走光。
讚城城高手
問到她為何近期經常以性感打扮示人？她說︰「因為夏天就到，所以啲衫就性感啲！」Lynn又透露自己為了今次的舞蹈更上了二小時的舞蹈班，她說︰「我一向都好鍾意跳舞，但係搵唔到舞伴，（點解唔叫城城陪你跳同過你兩招？）哈哈！冇呀，之前老師教，如果真係唔掂先搵高手出場，（你覺得城城係咪舞林高手？）都係嘅！」
否認唔埋堆
另外，有傳近日樂基兒有意自組模特兒公司，並有意找Lynn過檔，對此她說︰「冇人搵過我喎，應該唔會啦，依家同經理人合作愉快，（有人挖角會唔會好開心？）都開心，有人睇得起我，不過話我唔埋堆嗰啲我真係唔識答，（會唔會自己開公司？）唔會啦，開公司有好多嘢考慮！」
文︰專案組 攝︰黎志輝