本文重點
賭王何鴻燊與四太所出的千金何超盈，感情生活精彩絕倫，身邊男友經常換人，最近就戀上「翻版韓星曹承佑」，且於公眾場合咀嘴，非常肉緊，雖然有拖拍，但超盈卻並非有異性冇人性，最近在facebook就見她與女性友人多張嘴對嘴親熱照，該女性友人名叫Mandy Pao，同樣在英國讀書，Mandy更將兩人的咀相放在手機wallpaper上，足見兩人感情不淺。
超雲未有拖拍
另外，有報道指三太千金何超雲與何厚鏵姪兒何敬豐拍拖，何敬豐更陪伴超雲出席賭王與三太的「結婚」31周年紀念晚宴，有傳超雲為遷就男方的身高，索性除低高跟鞋，不過三太秘書Sandy卻極力否認兩人相戀，且不客氣地說：「梗係唔係拍拖啦，佢咁矮，高度都唔啱，超雲除低高跟鞋唔係為咗佢，諗得太多啦！佢哋係朋友，啟文（霍啟文）都係朋友，有男仔朋友好正常，超雲仲未有真正男朋友。」Sandy稱超雲不愛高調，也不喜歡接受採訪，月底便離港返英國繼續學業。