自成為天王嫂後，名模樂基兒身價極速飆升，和男友黎明愛得甜蜜的她，早已是半公開的老闆娘身份，不過她卻笑言因為自己心軟，故不適合做老闆，怕容易受騙！
昨日葵芳新都會廣場舉行「Husky x 3 自由‧愛‧樂‧派對」，大會特別請來樂基兒（Gaile）及諸葛梓岐（Marie）帶同愛犬出席活動，兩人更即場設計曲奇餅拍賣及義賣。現場所見，Gaile人氣明顯稍高，不消一會便把曲奇賣掉！
而Gaile帶着黎明年前送贈的黑白色芝娃娃小狗Phantom前來，並與小狗玩得忘形露出黑色喱士bra。她透露家中有三隻小貓及兩頭小狗，現打算再添一隻小狗回家，問Gaile會否只偏心Phantom？她笑說：「梗係唔會，隻隻都錫，唔可以咁㗎！（當狗仔係BB？）咁又唔會，不過有時喺寵物店沖完涼接佢哋，就好似接小朋友放學咁開心！」
男友沒有曳曳
提到衞詩正式被起訴？她說：「我係局外人，所以唔方便答太多。（黎明好擔心？）佢係好關注同擔心件事，因為佢唔係當自己係老闆，仲係朋友身份。（為咗呢件事延遲搬去上水豪宅？）冇咁嘅事，住咗幾個月啦！（佢話放棄衞詩？）放唔放棄係佢公司決定，我唔方便講，只希望佢可以冇事。（如果你係老闆會唔會畀次機會衞詩？）我好心軟㗎，乜都得，所以我唔可以做老闆，實畀人呃！（包括男友出去曳曳？）咁我又未試過。」
梓岐說話太真
同場的諸葛梓岐則帶着朋友的小狗前來，她透露復活節會與男友出外吃飯慶祝，問到會否親自下廚？她笑說：「我整嘢唔好食，我上《美女廚房》都畀人話煮嘢難食，試過有次喺屋企煲湯唔記得熄火，搞到成間屋都係煙要火警車嚟！」對於被指扮上等人拒行旺角？她說：「我唔係唔去，係唔識去。（話你囂張喎？）可能係我講嘢唔識表達，我啲朋友話我真得滯添！」
文：名人組