正在享受復活節假期的朋友，相信已經準備好節目，與家人或朋友一起歡度。即使未搵到節目，大家亦定不會過得悶悶不樂，因為有「服務地球人」的Cheaperman帶大家展開尋寶之旅！想感受尋寶之旅有幾精彩的話，就請即Click上ontv生活台睇一睇喇！
寓尋寶於慳錢
深水埗除了以電腦等等電子產品聞名之外，亦是慳錢一族的熱門之選，因為深水埗是平價貨集散地，要買平衫、平鞋、平玩具，逛一趟深水埗肯定能讓大家滿載而歸。一向以「Cheap星精神，服務地球人」為宗旨的Cheaperman，今次就專程到深水埗帶大家尋找又平又靚的貨品，希望大家可以大慳一筆！適逢復活節假期，於是Cheaperman就以尋找復活兔為目標，帶大家展開尋寶之旅！
知道兔仔有象徵復活節意義的Cheaperman，在此找到一系列不同形象的復活兔公仔，而且價錢最貴都只不過是38蚊，最平的更只需10蚊！而復活兔公仔造型精緻，買回家一定可以增添復活節氣氛！另一方面，Cheaperman更發現這裏還有很多平得驚人的貨品，例如德國製的絲絨布料，一碼只賣15蚊；各種時款衫褲，一件只賣6蚊！簡直是抵到爛！當然，口講無憑，大家記住要Click上ontv生活台睇吓喇！
Hot Click三甲
第一位：炭燒雞蛋仔
雞蛋仔一向都是港人至愛，售賣雞蛋仔的商舖雖多，但是有質素的雞蛋仔實在難尋！今次Cheaperman為大家尋到位於牛頭角下邨的一個雞蛋仔檔口，雞蛋仔更加罕有地以炭火燒製，令雞蛋仔甘香又鬆脆，吃進口裏更覺風味一絕！若果大家想知道炭燒雞蛋仔有何獨特之處，就請Click上ontv喇！
第二位：學做整蠱專家
雖然愚人節已經過去，但仍想整蠱朋友？無問題，因為有Cheaperman出手，為大家找到一間位於元朗嘉成商場的整蠱道具專門店，只需要廿幾三十蚊就可以買到整蠱道具，例如一排可以電人的朱古力，一定可以令為食的朋友中招！當然，這排電人朱古力電力微弱，只足以令人驚叫，不足以令人受傷。
第三位：五十蚊魔術高手
魔術高手大衞高柏菲相信大家都聽過，更加可能欣賞過其精湛神奇的魔術表演。 要成為魔術高手其實好簡單，因為Cheaperman於旺角Chic之堡找到魔術道具專門店，當中售賣的各種魔術道具簡單易用，用以表演必定令人嘆為觀止，最特別的地方，當然是每種魔術道具都只賣50蚊，絕對超值！
撰文：崔敬賢