BOBBI BROWN裸出立體感

裸妝近年大行其道，不過很多人也只着重淨白，完全忽略了裸妝背後自然膚色的精神意義。橫行彩妝界多年，為大小明星及名人粉臉添了何止七分顏色的專業化妝師Annie G. Chan，今次向大家教路，除指出香港女士化妝的謬誤外，更點出裸妝的精妙。

「化到面青口唇白，根本唔係裸妝，Highlight工夫又唔做，輪廓點會出，裸妝根本要個樣夠3D夠塑膠！」Annie點出香港女士很少注重highlight工夫，她續說︰「其實highlight好重要，尤其喺T字位同眼角，個個搽完粉底就算，其實上啲blush，或者揀啲有shimmering效果嘅blush，令個妝更健康同立體。」

適當運用highlight技巧，令輪廓更突出，輕易成為焦點。	雙頰位	眼角位

濕粉額頭搽起

Annie說Bobbi Brown的Platinum Shimmer Brick是必備妝物︰「五款顏色拼埋一齊，方便混和掃喺面頰或者做其他部分highlight，佢獨有嘅白金粉綠色調，仲加強妝容嘅澄澈度，薄薄一層，搞掂！」她亦推介Bobbi Brown的Long-Wear Gel Eyeliner，讚它既方便又易畫。

先以持久炫彩眼影打底，再用杏色眼影在眼窩慢慢掃開，以銅色眼影於眼尾及下眼線位置掃上，紫色則用於上眼線2/3位置。	以藍色Long-Wear Gel Eyeliner掃在上眼線眼角。	Annie說：「Lip Quads色調配搭度高，又可以隨時拆出嚟自組。唇妝以暗色唇膏先搽唇框位，令唇妝望上去較smooth。因為中國人人中深，所以應由外至內上色，如果反方向，就容易變嘟嘴。」

另外，Annie更指香港女士們懶上碎粉，就連搽濕粉步驟都錯︰「基本係由額頭開始搽，但好多人都會先由面頰開始，變相一落手會好重，同會唔均勻。而碎粉功能係定妝，用掃或用棉撲輕壓一次即可，又可以吸走多餘嘅粉。」

Long-Wear Gel Eyeliner 持久眼線啫喱 $185	1.Bobbi Brown Beach Body Scrub $ 290 / 250ml2.Bobbi Brown Beach Body Lotion $ 290	TRI-AKTILINE瞬間抗皺除紋霜$ 380 / 30ml

Highlight妙法

以Platinum Shimmer Brick 於T字位掃上外，更要沿眼袋至眼角位置向上掃，營造雙眼lift-up效果。另外，以Shimmer Blush在頰下位置向外掃，留意模特兒要作類似嘟嘴狀縮起雙頰，Annie說：「外國人上blush時要笑住搽先至啱位，中國人就相反。」

除皺要緊 肌不可失

身為Bobbi Brown fans的Annie，對品牌Beach系列的Body Scrub及Body Lotion極力推介，笑言就連其兒子也搶住用。以蘆薈及紅花籽油等成分製成的Body Lotion，有強效鎮靜及滋潤的功效，更能減少曬後甩皮的情況，及令古銅膚色更持久。

另外，TRI-AKTILINE的瞬間抗皺除紋霜，最巴閉之處是六個月內在美國已售出十萬支，在歐美、台灣及韓國等一開售即成焦點，因實驗證明使用它8周內，皺紋深度及長度均改善45%，令肌膚回復緊致飽滿。

Annie G. Chan踩過界搞展覽

有超過16年為各大名人明星如張艾嘉、劉心悠及古巨基等化妝經驗的Annie，亦曾與不少國際級的時裝或化妝品牌合作，今年她更計劃舉辦慈善展覽，她說︰「依家人人影相，以為用電腦執乜都得，但就失去化妝嘅原始本質。」一語道出展覽的主題。

採訪：Winnie Choi

攝影：馬永堅

示範：Sarike Choy