劉陳小寶（Angel）和陳細潔（Abbie）兩姊妹向來善心滿瀉，早前特地抽時間到保良局探訪，跟一班小朋友玩遊戲兼大派禮物，即使面對金融海嘯的衝擊，亦無減二人行善的心。
探訪當日Angel和Abbie都要上班，但為了遷就小朋友的時間，兩人在下午抽出一小時，拿着預先準備好的禮物由公司過去探他們，之後再返公司繼續工作。下午四時，她倆到達保良局劉陳小寶英語學習中心，一班小朋友甫見她們即表現得很雀躍，拉着二人一起玩購物遊戲。
課室內擺放了多種玩具給小朋友作學習之用，其中的假生果像真度令Angel大感驚訝：「真係造得好似，我都想買啲返屋企擺。我問小朋友啲生果嘅英文，佢哋全部都識答，好叻！」今次探訪，Angel說需事前預約，特別要遷就小朋友放學後才能跟他們玩：「總之見到啲小朋友開心我就開心！」
今次的禮物由Abbie負責挑選，特意挑選實用的文具：「通常一年會嚟探佢哋幾次，睇下佢哋有咩需要。金融海嘯個個都唔見錢，當人人都係咁，即係冇唔見啦，只係啲錢貶咗值啫。香港經歷咗好多事，我已經習慣咗，錢唔係咁重要，始終係身外物，擁有好多錢都唔及用嚟幫人，同人分享快樂咁開心。」