諸葛梓岐（Marie）因一句「從未踏足旺角」即被網友狠批有「公主病」，前日高呼冤枉的Marie就親自「出巡」MK，更化身成「平民公主」，素顏加「牛記」look上陣，澄清說：「我都會去旺角！」
早前有錢女諸葛梓岐因一句「從未踏足旺角」的誤會，即被網友狠批患有嚴重「公主病」，令她感覺非常無奈，前日Marie以行動證明，親到旺角，去「逼到爆」的信和中心掃貨博平反。
閃入信和朝聖
當日Marie身穿casual wear兼素顏上陣，雖然商場內人多路窄，身手敏捷的她瞬間閃避過人群，熟練地衝上二樓轉角的小店舖，更與老闆娘親切地打招呼示意。原來深愛麵包超人的Marie是該店熟客，久不久就來「朝聖」，她說：「我都會去旺角買麵包超人公仔，因為知道呢度有間專賣店，除咗買精品仲會去買漫畫書。」老闆娘亦力撐Marie間中就來看看有沒有新貨，是典型的fans。
識得慳識得食
除了掃公仔，Marie亦會順道往商場內的家品店，不消十分鐘就有幫襯，還對其中的枱燈愛不釋手，她笑說：「夜晚喺房熄咗燈之後就好難搵到枱燈開關掣，呢款輕觸式枱燈非常方便。」別以為「公主」買平嘢唔睇價錢，消費精明的Marie確認明碼實價才會買，多買一個笑口公仔咕
的她更笑問老闆：「買多件會唔會平啲？」最後Marie還提議去「掃街」買街頭小食，她說：「呢間章魚小丸子好出名，依家仲有飲品套餐添。」認真識慳又識食。
文：專案組