新鴻基地產（00016）公布，郭炳江由今年一月起出任新地旗下新鴻基地產代理有限公司嘅資深董事（Senior Director），專注長期土地規劃及項目發展策略，但就唔會參與集團日常營運。
新地表示，作出是次委任，係鑑於郭炳江曾長期服務集團，於土地規劃及項目發展方面具有豐富知識同深厚經驗。郭炳江從事行業30多年期間有多項大型項目嘅經驗，同時具國際視野，有利集團於相關業務嘅長遠發展。集團董事會知悉並支持有關安排。
據了解，郭炳江與佢弟弟、新地主席郭炳聯同樣於一九七○年代由外地回港，加入新地嘅管理團隊，經過幾十年風浪起跌將公司發展至目前規模。據悉，員工對郭炳江重新加入公司都感到雀躍。
余絲韻