絲絲講場：遠東會50周年晚會焗押後

機會難得 惟安全至上

由已故「股壇教父」李福兆一手創立嘅遠東交易所，於六九年十二月十七日成立，今年創會五十周年。咁大日子，一眾創會會員同前董事，特別成立咗籌備委員會，仲搵到遠東會創辦人之一嘅王啟銘做委員會主席，李福兆個仔李國麟任副主席，帶領一眾熱心人籌備呢次敍舊聯歡晚宴。

籌委員早前已廣發英雄帖，邀請咗一班遠東會元老，包括當年嘅會員及出市員出席今個月中嘅晚宴。

點知呢幾個月示威活動不斷升級，籌委會近期向眾人發通知，表示鑑於近日社會安全環境未有改善，且問題日趨惡化，籌委員未能確保喺安全狀況下舉辦今次活動。在無可選擇情況下，決定押後舉行。

有股壇前輩對呢個消息當然失望，「所謂人生有幾多個十年？」難得五十周年聚首一堂，但考慮到出席者有唔少都有番咁上下年紀，都係安全最緊要，王啟銘又一向隱陣，大家都接受咗改期嘅事實。

余絲韻