尋日四月一日正值愚人節，根據過往經驗，有好多科技巨頭都會參與整蠱活動，實行玩埋一份！但據報，今年微軟公司（Microsoft）早就發出咗一封內部公告，禁止員工參與相關嘅整蠱活動，點解呢？
微軟份內部公告就話，喺愚人節當日開嘅玩笑所帶來嘅損失會多過得益。
數據仲顯示，愚人節嘅整蠱活動不但對於公司嘅正面影響有限，甚至有機會造成不必要嘅新聞，而且現時科技界正面對諸多挑戰嘅時刻，員工係唔應該參與愚人節嘅整蠱活動咁話！
之不過，嗰份公告無提及到，如果員工唔聽勸喻，照玩的話，會有乜嘢懲罰喎……咦，其實係咪真㗎？！
余絲韻