絲絲講場：百歲CEO堅持日日返工
新加坡太平船務「Pacific International Lines（PIL）」創始人張允中雖然已經100歲，但現時仍然每日Keep住返工，仲早出晚歸，風雨不改！
張允中係世界上最年長嘅公司行政總裁（CEO），大大話話已經度過咗八十年職業生涯，雖然佢今年四月一日已宣布退休，但仲堅持要做嘢。
張允中身家160億
貴為《福布斯》雜誌一八年50新加坡富豪榜第15位，張允中身家高達20.5億美元（約159.9億港元），但佢唔鍾意拋頭露面，所以大眾對佢唔太熟悉。
佢雖然已經將個位傳咗畀個仔張松聲，但呢位現年百歲嘅CEO接受外媒訪問時透露，自己仍然堅持每日去總公司返工，並巡視每個部門。對於退而不休，張允中笑言：「我唔可以留喺屋企，因為會非常無聊」。
張允中憶述，自己年輕時脾氣非常暴躁，係一個好難相處嘅領導人。但他話：「父親教我，人哋服從自己，係因為你嘅誠信同品質，佢哋先會真正尊重同傾聽你。」
余絲韻