絲絲講場：員工唔夠瞓 美國唔見3萬億
美國智庫蘭德公司研究話，國民一日瞓唔夠6粒鐘，唔夠瞓何止返工無精神，或搞到病要缺勤，令企業生產力下降，導致死亡率升，國家勞動人口大減，造成嚴重經濟損失。睇番最大鑊係美國，整體經濟損失4,110億美元（約3.2萬億港元），
日企貼錢鼓勵瞓足覺
日本問題嚴重，「居眠」（即係去到邊闔到邊，話之係搭緊車、返緊工定上緊堂）已經成為當地普遍社會現象，仲係人所包容添。
於是，最近日本有婚嫁公司索性貼錢鼓勵員工瞓足覺，先嚟精精神神開工，凡每周五日、每晚瞓夠六粒鐘嘅員工可以儲分，啲分可用來喺公司餐廳「買」嘢食，每人一年最多可得四千幾蚊港紙！點知你瞓夠六個鐘？員工喺手機裝個App，每晚放喺床邊就Check到。一年貼啲錢，點計都抵過萬一有人過勞死要賠嗰筆！
余絲韻