絲絲講場：內地投資者狂捧基金之神？

講嘅係，內地基金經理陳光明，佢出身東方證券資產管理，由研究員做到投資經理，最後坐埋上董事長位。佢一六年離開做咗廿年嘅東證資管後，自己出來搞睿遠基金，首隻基金尋日開賣，預算規模200億元人民幣，透過逾十家渠道募集資金，一間二間行都話已爆額！

陳光明管理基金曾勁賺

啲投資者咁趕入廟拜神，亦有理由，皆因陳光明喺東證時管理嘅其中一隻基金，八年賺700%！

雖然佢今次自家出品呢隻基金，佢估計年回報只介乎10至15%。但唔好忘記，佢嘅投資金句係「一年五倍者如過江之鯽，五年一倍者卻寥若晨星，這個就是典型的道理，慢就是快，快就是慢。」即是睇長線，明冇？

余絲韻