中環Hot Talk：證券行RO轉工有阻滯

一般來說，經營證券行最基本要有「1號牌」，即可提供經紀業務，若想提供研究報告或諮詢，便要有「4號牌」，而「9號牌」就是經營資產管理業務。牌照要求聘用最少兩位負責人員（RO）。過去幾年牌照有價有市，連帶RO也非常渴市。不少有資格出任RO的從業員頻頻跳槽，人工加完又加。

一年多前我認識一位RO，他兩年來轉工五次，當時那份工做了大半年，但公司自買牌回來並通過證監會審批後一直也沒有客戶和業務。直至公司終於請齊後勤同事，準備正式做生意之時他決定辭職，原因是「請齊人咪即係要做嘢！梗係走啦。」

其實以上故事並不罕見，由於種種原因，不少新開或買牌回來的證券行都未必有實質業務，變相不少RO雖有工返卻無實戰。不過，因為市場缺人，RO不愁出路，有朋友笑說，只要「上到牌」（即證監批准掛牌到一間行）就搵到工，那怕你淨係識坐。

不過，最近一年多證監會在發出新牌照和牌照轉讓的審批時都手緊不少，變相對RO需求有所放緩，而且聽說有些頻頻轉工，但又沒有實戰的RO，在轉工「上牌」時遇到阻滯。

中環金融人，職務涉獵多個層面，亦是科技顧問公司始創人。

作者：大健