面對港股成交萎縮，小經紀慨嘆近月「食穀種」，惟有做兼職幫補收入，如收市後駕的士、做夜間保安、甚至酒樓散工等，並冀望有關當局可再討論恢復經紀最低佣金。
有資深經紀直言，「今年四月開始，港股成交便逐漸減少，近月試過全日冇生意，或者每日只開一、兩張單，但交易金額好少，客戶以炒即市為主，而且好多客戶又被綁，慘過大閘蟹，有錢都不敢再入市。」
入行六十年的股壇老行尊張天生表示，現時港股成交主要是衍生工具為主，傳統股票買賣佔比很少。就算股市反彈都主要是補倉盤，對於經紀的生意作用不大。過往經歷過多次股市動盪，他直言今次最差，「就算八七年股災停市，一復市後成交即反彈。七三股災雖一日下跌好多點，但當時沒有咁多人投資！」
證券及期貨從業員工會永遠名譽會長林德明亦指，最大原因是當局取消經紀最低佣金0.25%，個別券商推零佣金造成惡性競爭，「就算經紀有生意都只是微利、甚至白做，市旺時都只不過係可以生存，不代表收入好咗，都是要靠自己炒股頂住。
內地雖然都沒有經紀最低佣金，但也不會有零佣金。所謂的士都有最低起錶、香港也有最低工資，取消最低佣金保障不到從業員，故希望可同其他業界組織，商討是否可重提最低佣金，如0.1至0.15%。」