絲絲講場：恒生水哥跑全馬跨歐亞
當大家忙緊雙11網購大出血，銀行界「馬拉松KOL」嘅恒生銀行（00011）傳訊及可持續發展總監張樹槐（水哥），都喺同日完成首個橫跨亞洲及歐洲嘅土耳其伊斯坦布爾馬拉松，確實唔簡單！
呢場馬拉松為獲國際田徑總會認可嘅金牌賽事，係全世界唯一跨過兩大洲嘅全馬比賽。起點為橫跨亞歐嘅Martyr's Bridge，水哥當然要喺呢段咁有意義嘅大橋擺出勝利手勢，影相「打卡」留念啦！
最愛冧巴「100」 有寓意
講開又講，水哥對「100號」呢個選手編號情有獨鍾，事關佢早已完成逾100項長號或者毅行賽事，而今次賽事亦係水哥第74個全馬。佢月尾仲計劃以呢個「幸運數字」，披甲參加由聯合國兒童基金舉辦嘅迪士尼21公里籌款賽。
余絲韻