絲絲講場：ofo慳皮 星級總部租少兩層

好似10樓同11樓嘅內地共享單車初創明星企業ofo小黃車總部九月底一搬，商湯科技就租咗。商湯係人工智能技術公司，一年融資16.3億美元，最新估值45億美元，絕對唔嘢小。

理想國際大廈每層租180萬

樓高20層嘅理想國際大廈絕對可躋身北京最昂貴寫字樓之列。大廈月租每平方米18元人民幣，呢度每層每月租金至少盛惠180萬人仔。呢幢樓租客來頭好勁，如國產MP3生產商愛國者，當時威到打低三星同索尼。新浪租過9層，近年明星租戶仲有蔚來汽車、優酷、迅雷同硅谷嘅印象筆記等。

而近年最大嘅租客係ofo，先後租用4層樓，每層樓面面積3,400平方米，一年租金最少8,000萬人仔。之後ofo一帆風順，舊年仲籌得14億美元嘅第五輪融資。但今年ofo負面新聞不絕，退出多個海外市場，仲傳資金短缺同計劃破產重組等。

ofo已承認，因租約到期而遷出理想國際大廈其中兩層，淨低兩層會繼續辦公。

余絲韻