據日媒指，大金的研究顯示，將房間溫度降低並持續幾分鐘，比明亮燈光或清新嘅香氣更有助員工保持清醒，認真工作。目前大金擁有美國著名冷氣機製造廠商Goodman，希望同日本電氣合作研發呢種智能冷氣機。
溫度影響效率 男女有異
研究仲發現，工作場所溫度會影響工作。好似冬天，男性喺華氏溫度68度，濕度30%嘅房間內工作效率更高；而女性適宜喺華氏溫度72度同濕度50%嘅條件下工作。公司希望據此開發另一項服務，為每位員工度身訂造室內空氣溫度。
參與研究嘅大金員工稱，AI冷氣機比飲咖啡更有效地阻止瞌眼瞓。雖然有批評指，公司無必要咁對員工，但大金仍堅信AI冷氣機始終有一定市場。
余絲韻